Hackintosh” Have you ever heard about it ?!

in first of all I am going to start with Some Essential Expressions !
but before getting start I would like to greet el shiaka D:
ok , let’s begin !
3
2
1


———————————————————–
1 – Operating System – نظام تشغيل !
بكل بساطة نظام الشتغيل بتعريف مبسط هوة الي بينك وبين الــ Hardware
بتاعك ,, من غيره متقدرش تتحكم او تستفيد من اي حاجه في جهازك !
من اشهر امثله انظمة التشغيل
Microsoft Windows , GUN/Linux , Macintosh (Mac OS X) , etc ..
———————————————————–
__
———————————————————–
2-مصطلح – Mac OS X
احنا بنقصد بالمصطلح ده نظام الــ ماكينتوش وهوة عبارة عن اختصار لــ
Mac Operating System
اما بالنسبة للــ
X
فــ دي بتعني انه اصدار بعد الاصدار التاسع يعني من 10 لغايه الاصدار الحالي 10.6 والي اسمه
Snow Leopard
والنظام طبعا في تطوير مستمر وزي ما ابل بتقول
is the world’s most advanced operating system
اما بالنسبة للاصدرات الاقل 9 و اقل فبتعبر اصدرات كلاسيك ومفيهاش كل المميزات ! الي في السنو !
دي قائمة باصدارات الماك منذ صدورها
‏‏Mac OS X v10‪.‬0 Cheetah‏
تشيتااه
Mac OS X v10‪.‬1 Puma‏
بوما
Mac OS X v10‪.2 Jaguar
جاجوار
‬‏Mac OS X v10‪.‬3 Panther‏
بانثر
Mac OS X v10‪.‬4 Tiger
تايجر
‏Mac OS X v10‪.‬5 Leopard
ليوبارد
‏Mac OS X v10‪.‬6 Snow Leopard
سنو ليوبارد
طبعا من الممكن ان حد يكون شاف
xx بعد اي اصدار من اصدرات الماك زي
10.6.3 . 10.5.8
دي بتبقي عبارة عن Upgrade
للنظام وهنشوف الموضوع ده بعدين!
النظام بشكل عام مبني علي اليونكس
Unix Based System
يعني  نقدر نقول استقرار امان وبنية تحتية قوية ,, وده من المعروف عن كل منتجات شركة ابل مش نظامها بس !
———————————————————–

__

———————————————————–

3 – مصطلح Leopard , Snow Leopard

شركة ابل لما بتعمل نظام بتسمية باسم فصيله قطط :D:D

زي ما انا موضح فوق

Leopard

Tiget

Panther

Snow Leopard

وده بيكون اصدار رئيسي يعني زي مثلا

10.6.4 Snow Leopard

,

10.195 — > مش عارف هبقي عايش ولا لا في الاصدار ده 😀

———————————————————–

__

———————————————————–

نيجي بقي للمفيد او مصطلج هاكينتوش

Hackintosh = Mac OS X Installed on PC

اكتر من واحد سالني قبل كده وقالي مش هاكينتوش تقصد ماكينتوش ,, بس لا هاكينتوش مش ماكينتوش

احنا نقصد بالهاكينتوش نظام الماك منصب علي جهاز عادي

يعني انت عندك PC

كومبيوترك الشخصي تقدر تسطب عليه لينكس او وندوز كنظام تشغيل اساسي او انك تعمل بينهم

Dual Boot

انما الفرق فين ان اجهزة ابل الي اسمها الماك برضو 😀

بتاتي بنظام مختلف الي هوة نظام الماكينتوش بتاعهم !

والي من المفروض انه مش بيتسطب علي الاجهزة العادية

طيب فين المشكله في الموضوع ده المشكله بتكمن ان اجهزة ابل غاليه جدا وفي نفس الوقت الكل عايز يستخدم نظام الماك الجامد جدا 😀

فل لو انت زي حالاتي مش تقدر تشتري جهاز ابل يبقي الحل انك تعمل

Hackintosh = Macintosh Installed on PC = OSX86

من الاخر هاكينتوش معناه الماك متسطب علي جهاز عادي بي سي مش اجهزة ابل !

طيب ازاي الكلام ده ممكن يحصل  !

زي ما احنا عارفين ان اي جهاز بي سي عادي يبقي مكون من بروسسور

Inter or AMD

وسابقا بروسسورات اي بي ام

انما الامر كان بيختلف مع شركة ابل كانت بتستخدم قطع هاردوير خاصه بيها من اول البروسسور لكل باقي الكروت

والبروسسور ده كان من انتاج شركة موتورولا واسمه

Power PC

طبعا العمليه كانت صعبه عليهم جدا انهم يصنعوا حاجتهم كلها خاصه بيهم وده بيادي لرفع السعر جامد ,, كمان ساعتها الناس كانت بتتجه لاجهزة شركة

IBM

لسعرها المقبول وللحرب الي كانت بين الــ 3 شركات

IBM , Microsoft vs Apple !

دي معلومة بسيطة لو عايز اكتر Google it !

طيب نرجع لموضوعنا !

فضلت ابل في المشكله دي من سنة 1994 الي 2006

لغايه ما في 2007 قررت انها تبني اجهزتها علي بروسسورات انتل

طبعا عشان قوة الاداء ورخص الثمن مقارنة بروسسورات الموتورولا

يعني بكده نقدر نقول في امل ان احنا نسطب النظام ده لان المعالج زي معالجنا او شبهة يعني

من هنا جت الفكرة وحاولت الناس كتير وقدرت تعمل الموضوع ده فعلا والاجمد من كده ان تقدر تعمل

Triple Booting , Windows , Linux , Mac

عن طريق البوت لودر الجامد جدا الي اسمه كملين هنتكلم عنه بعدين !

ملحوظة قبل ما ادخل في حاجه تاني : – من الممكن او مش ممكن ده اكيد هتواجهك مشاكل مع الحوار ده لان طبعا العمليه دي مش شرعية ولاكن تاكد طبعا ان كل المشاكل دي تكاد معدومة ع الاجهزة الاصليه من ابل !

———————————————————–

__

———————————————————–

4 – مصطلح bootloader – مهم

البوت لودر بكل بساطه هوة حاجه مسؤلة عن انه يقلع لنظامك او يدخلك لنظامك دي فكرة بسيطة لمصطلح البوت !

هنضرب مثال لو انت عندك External HDD

ومسطب عليه وندوز الوندوز بيجي البوت لود يعمل بووت للبارتيشن الاكتف وهوة بارتيشن الوندوز !

طبعا لو اتكلمنا عن البوت لودرز يبقي لازم ندخل للتقسيمات

الي كتير ميعرفهوش ان الهارد ليه نظام بيتعامل بيه او خلينا نقول

Scheme للهارد

النظام الافتراضي بتاع الهارد او النظام الي بيقسم بيه وندوز اسمه

MBR (Master Boot Record )

وده نظام غبي جدا ليه لانه بيسمح لك بس انك تضيف هارد مش اكتر من 2 تيرا بيت طبعا اتنين تيرا بيت كتير بس الاغبي من كده انه بيسمح لك بس بانك تعمل4 بارتيشنات برايمري ,, بما اننا جينا للنقطه دي لازم نعرف يعني ايه بارتيشنات برايمري البرايمري هوة البارتيشن الي بينزل عليه النظام يعني الوندوز او اللينكس دي بارتيشنات برايمري واكتف وبما ان النظام بيسمح لك بــ 4 بس اذا انت اخرك اربع انظمه  اوكي هما كتير اربع انظمه بس لاحظ لو قسمت 4 بارتشنات برايمري مش هينفع تقسم بارتشنات

Logical

وبما اننا وصلنا للوجيكال لازم نعرفه النوع ده هوة الخاص بالداتا يعني لو عندك بارتيشن وعايز تضيف فيه اي داتا يبقي يكون بارتيشن لوجيكال  لاكن في حالتنا هنا وفي نظام

MBR

اخرنا 4 برايمري او 3 برايمري و لجويكال بس

اما بقي النوع التاني من التقسيم وهوة الي هنشرحة ان شاء الله

GUID

ايه الميزة في التقسيم ده اولا اسرع في التعامل مع الانظمة غير كده عدد لا نهائي من البرايمري واللوجيكال يعني براحتك عدد لا نهائي من المساحة يعني 10 تيرا بيت وانت طالع

طبعا زي ما احنا ملاحظين الماك حتي احسن من الوندوز في التقسيم !

ملاحظات :-

لو حبيت تسطب وندوز افتراضي الوندوز هيقسيم ام بي ار

لو حبيت تسطب ماك افتراضي هيسطب

GUID

اما بالنسبة للينكس فهوة نظام جميل هينزل علي اي حد من الاتنين دول مش بتفرق معاه ,, شغل عالي !

من اهم البوت لودرز

Grub or Lilo لنظام لينكس
Darwin لنظام الماك
NTldr لنظام ويندوز XP

BCD لـــ

الفيستا والسفن

بس كده كفاية دلوقت نكمل بعدين !


Advertisements